الكمية تكفي: 4 أشخاصوقت التحضير: 10 دقائقوقت الطهي: 30 دقيقة المقادير: فرخه الحجم اللى انت عايزاه وبصل مبشور كبده فراخ انا بعمل ربع كيلو كبده وعلبه زبادى للفرخه الواحده ميه البصل طماطمايه مبشوره فلفل اسود وملح ولمون وذره زنجبيل ونص معلقه زعتر التحضير: بنضف الفرخه كويس وندعكها بملح ولمون
* نحضر الخلطه
نبشر بصله كبيره وناخد ميتها
ومترميش البصله حنستخدمها فى الحشوه
ونحط المكونات كلها الزبادى والطماطم
وكل البهارات
ونجيب الفرخه ونخرمها خرام بسيطه عشان تشرب الخلطه من جوه من عند الصدر والدبوس كمان
ونحشيها بكل المقدار من تحت الجلد وندعك كويس اوى ونحطها فى اصغر حاجه عندك
عشان تضمنى انها حتشرب التتبيله
وانا بعمل كده قبلها بيوم والنتيجه بتكون احسن
وممكن تعمليها فى يومها وتسيبيها 3 ساعات مثلا
ولازم تقلبيها على وشها عشان الصدر اكتر مكان بياخد سوى
نبدا نحضر الحشوه
نحط البصله فى شويه زيت افضل من السمن عشان الرز يكون مفرفر مش معجن الطبخ: اول ما تصفر تحطى الكبد اللى قطعتيها وتقلبى عشان متلزقش ولما تحسى ان لون الكبده اتغير
ضيفى الرز والفرخه بتاخد حوالى 3 فنجان قهوه رز
نضيف الرز ومعاه كوبايه ميا
وبهارات ملح وفلفل وقلبى كوييييس
ولما تشرب الميا اطفى وسيبيها تبرد عشان ايدك
وطبعا الرز حيكون لسه مستواش
حيكمل السوى فى الفرن
ونجيب الفرخه ونحشى بين الجلد وجوه الفرخه
والحته الى بين الصدر والورك
بس اهم حاجه متكبسيهاش خليها مرحرحه حلوه عشا متعجنش
وبعد لما تتحشى تقفليها بسلاكه الاسنان
بس لازم تقفليها كويس اوى متسيبيش اى هوى فيها والرز يستوى كويس
ونجيب صينيه وقطعى بطاطس حلقات تحت الفرخه
ونحط عليها شويه صوص من اللى كانت الفراخ متبله فيه
ونسيب حبه للفرخه نرشهم على وشها
ومعاها 2 كوبايه ميا وحته سمنه فلاحى او ممكن من غير براحتك
وسيبيها فى الفرن على درجه 250 تستوى براحتها وتتشوى وتكون هااااايله الريحه قلبت الدنيا
