الكمية تكفي: 10 أشخاصوقت التحضير: 20 دقيقةوقت الطهي: 300 دقيقة المقادير: ديك رومى وزنه 8 كيلو ملح وفلفل حبهان ولورا جوزة الطيب مبشورة وروز مارى وقرفة وجنزبيل وبهارات فراخ وبصلتين 3حبات طماطم فصين توم التحضير: ناخد مقادير التتبيله ونضربهم فى الخلاط
وتكونى ظابطة الملح طبعا
وتكونى غاسلة الديك بالخل والملح
ومخلياه زى الفل
وبعدها تتبلى الديك بالتتبيلة دى
من كل ناحية وتحاولى تدخلى ايدك بالتتبيلة فى كل حتة
وكمان تحت الجلد علشان يتشرب منه
وبعد كدة تكتفيه
وتحطيه فى حلة وتغطيه بالاسترتش
(بلاستيك التلاجة)
علشان موش يسرب ريحة للتلاجة وكمان يتتبل كويس
ويبات فى التلاجة يوم كامل
بعدها تجيبى الديك وتجيبى خيط
يكون متين شوية
وتغسليه
كويس
وتربطيه علشان موش يتفكك منك وهو بيستوى
ويكون شكله حلو الطبخ: وبعدها تحضرى الخضار اللى هتسويه معاه
انا عملت بطاطس
ممكن كوسة او اى حاجة بتحبيها
هتجيبى
طماطم وبطاطس مكعبات وبصل شرايح
وفلفل حاااااااار او رومى براحتك
وتجيبى الديك بتاعك بعد مااتربط الربطة اللى هى
وتتبلى الخضار بتاعك من التتبيلة اياها
(تتبيلة الديك)
وتجيبى نصف كوب زبدة او سمن براحتك بردو
وتقلبيها بشوية من التتبيلة
وتدهنى الديك كله منها
وتكونى محضرة الفرن
وتحطى الديك فى صينية كبيرة وحواليه البطاطس والخضار
حاجة كدة تونسه فى الفرن
وتسيبيه فى الفرن لمدة 5ساعات
(على كل كيلو نصف ساعة)
وكل شوية تراقبيه وتاخدى من الصوص اللى نزل وتسقى الديك بالكامل
تقريبا كدة كل ساعة تعملى الحركة دى
علشان موش ينشف ويبقى محروق من برة
ونئ من جوة
