الكمية تكفي: 4 أشخاصوقت التحضير: 20 دقيقةوقت الطهي: 75 دقيقة المقادير: كيلو فرخه مقدار التتبيله 2 ثمرة متوسطة بصلتين 2 فص توم ثمرة صغيرة طماطماية 1/4 ثمرة ليمونات ملعقة صغيرة ملح وفلفل وبهار مشكل ملعقة صغيرة بهار شاورما 2 ملعقة كبيرة خل ابيض 3/4 كوب رز ثمرة بصله مقدار كبد وقوانص مقطعه مقدار لحمه مفرومه مقدار بسله وجزر مقدار لوز وزبيب التحضير: اولا حاجة حنجيب فرخة انا عاملة فرخة كيلو بعد التنظيف طبعا حنغسلها كويس زى ما نغسل اى طيور
وبعد كده نحضر التتبيلة
بصلتين متوسطين &فصين توم &طماطماية صغيرة &اربع ليمونات صغيرين لوكبار يبقى تلاتة بقشرهم
ملح وفلفل وبهار مشكل ومعلقة صغيرة كمون ومعلقة صغيرة بهار شاورما &معلقتين كبار خل ابيض
حنحطهم كل ده مع بعضه فى الكبة والليمون نحطه بقشره ونضربهم فى الكبة
نتبل الفرخة قبلها بيوم وندخل التتبيلة جوة الفرخة ونحط بين الجلد واللحم ونسيبها فى التلاجة لتانى يوم الطبخ: نحضر الرز لللفرخة
المقادير دى لتلات اربع مج من الرز
حنجيب بصلة متوسطة ندبلها فى معلقة زبد
ممكن لو عيزين نحط كبد وقوانص نحط دلوقت ونشوحهم شوية قبل البسلة
وممكن نحط لحمة مفرومة بدل الكبد والقوانص
بعد كده نجيب جزرة صغيرة نقطعها ونجيب بسلة
نشوح البسلة والجزر مع البصلة
بعد كده نحط شوية ميا ونسيبها على نار هادية لما البسلة تتشربها وتستوى تلات اربع سوا
بعد لما استوت هححط عليها الرز واحط الملح والفلفل ورشة قرفة ورشة بهار ورشة كمون
نحط عليها الرز ونقلب ونحط ربع كوب ميا واسيب الرز على نار هادية يستوى نص سوا
حنشوح لوز مع زبيب فى قطعة سمن صغيرة ونحطهم على الرز بعد ما نسويه
كده الرز جهز لحشو الفراخ نسيبه يبرد علشان نعرف نحشيها
نحضرالفرخة علشان نحشيها
نشيلها من التتبيلة ونسيل التتبيلة اللى جوه واللى كانت تحت الجلد كويس اوى
الميا اللى طلعت من التتبيله هحطيناها فى الصينية اللى حنسوى فيها الفرخة
حنحشى الفرخة بالرز وانا بحشى بين الورك والصدر زى ما انتوا شايفين
والرز اللى بين الورك والصدر ده لما بيتمدد بيطلع بره الفرخة وبيشرب من الصوص بتاعها ويتحمر بيبقى تحفة
حنقطع بطاطساية نحطها تحت الفرخة بتبقى تحفة لانها بتبقى شاربة من صوص الليمون
ومن الفرخة بيديها مزازة جامدة فبتبقى طعمها جميل اوى
لو مش عايزينها مش مشكلة بس انا دايما بعملها مع الفراخ المحشية
ونحط الفرخة عليها ونلف الفرخة بورق فويل كويس اوى ونحطها فى الفرن حار
ونبدا نتابعها بعد ساعة الا ربع نفتح عليها
بعد ساعة الارب ع تقريبا شايفين بقى الصوص اللى تحت ده ده بالمعلقة باخده وبسقى بيه الفرخة والرز
وادخلها الفرن تانى وهى مكشوفة علشان تتحمر بتاخد نص ساعة كمان تقريبا
ودى شكلها لما طلعت وطبعا لازم تتقدم فى نفس الصينية كده لان لو اتشالت شكلها حيتبهدل
لو فى عزومة بعملها فى بايركس واقدمها بيه
وطبعا بيتبقى رز من الحشو ده بنحطله ربع كوب شوربة وبغطيه كويس واحطه فى الفرن مع الفرن يكمل سواه
وهو كنوع رز جميل اوى ممكن نعمله من غير حتى ما نستخدمه فى الحشو
وبالف هنا وشفا
