تكفي: 4 أشخاصوقت التحضير: 20 دقيقةوقت الطهي: 60 دقيقة المقادير: بطه مقادير للتتبيل بصلة مبشورة ملح - فلفل روز مارى جوزة الطيب مقادير للحشو كوب أرز بصلة مقطعة ملعقة زبده او سمن بلدى ملح - فلفل مقادبر للتحمير فى الفرن ملعقة صلصة ملعقة صويا سوس ملعقة زيت ملح و فلفل خفيف التحضير: 1- نغسل طبعا البطة كويس جدا جدا جدا باستخدام الملح و الليمون و الدقيق وطبعا كلنا عارفين و شاطرين و زى الفل
غسلنا الاول الكبده والأوانص و الرأس بالرقبة بالدقيق و الملح و نعصر عليهم ليمونة
نغسل البطة طبعا زى ما قلنا بالدقيق و الملح لازاله اى رائحة غير مستحبة و لتمام تنظيف البطة الطبخ: خرطى البصلة و ضيفى عليها الملح و الفلفل و الروز مارى و جوزة الطيب مع مراعان ان جوزة الطيب تكون مش كتير يعنى حاجة بسيطة علشان لما بتبقى كتير بتغير الطعم
ندعك البصلة بالتوابل لتتبيل البطة و اغراقهه فى التتبيله تشرب منها علشان الطعم يبقى واووووووو روعة
طبعا التتبيل بيكون من بره و من الداخل و بين الجلد و اللحم على قد ما تقدرى و نسيبها بقى شوية مع نفسها على ما نجهز الحشو
بنخرط البصلة و بناخدها تشويحة على النار فى حتى زبده او سمن بلدى بسيطة جدا لغاية ما لون البصلة يبقى شفاف أو وردى براحتك
و نيجى بقى للأرز طبعا نغسلة و بعدين نضيف عليه الملح والفلفل و ندعكه خفيف ونضيف الرز على البصله
ضيفى كمية ماء تناسب النصف تسوية علشان الارز هيكمل بقيت تسويته جوة البطة هنحشى البطة بالخلطة الى عملناها نصف تسوية
لازم طبعا نخيط البطة علشان الخلطة مش تخرج من البطة
طبعا معانا ضرورى جبهان و مستكة و ورق لورا ونسلقها
نيجيى بقى للتحمير فى طريقتين للتحمير اما تحمريها عادى فى ملعقة سمنةبلدى بتخلى طعمها روعة و بتبقى دسمة اوى بس بتبقى صعبة لو البطة كبيرة
الطريقة التانية اللى انا بفضلها
و هى ملعقة صلصة و عليها ملعقة زيت و ملعقة صويا سوس و شوية فلفل و ملح و اخلطى كويس و ادهنى البطه
ادهنى البطة كويس بالخلطة دى
و تحت الشواية سبيها لعاية ما تحمر
على ما تتحمر نكون جهزنا الطبق اللى هنقدم فيه البطة
ببساطة فاكرين الخلطة اللى حشينا بيها البطة هناخد حبه الارز دول و نكمل سواهم
و ممكن نضيف كمان ارز بالخلطة كفرشة للبطة
منه تزيين وكمان طعمة لذيذ جدا والاطفال بيحبوة ملاحظات: خدى بالك بقى يا بطة مش تحطى الحبهان و لا المستكة و لا اللورا الا لما تغلى البطة غلوتين ممكن يطلع على الوش ريم شيليه علشان الشوربة تبقى لونها ابيض و زى الفل و مكن جدا ميطلعش معاكى ريم زى ما حصل معايا طالما البطة اتغسلتو اتنقعت فى الليمون كويس و اتصفت كويس خلاص مبيطلعش ريم ولو طلع بيبقى بسيييييط جدا
بعد كده حطى الحبهان و المستكة و اللورا و لو عاوزة تزيدى كمان بصلة و شوية روز مارى مفيش مانع
