الكمية تكفي: شخصينوقت التحضير: 10 دقائقوقت الطهي: 90 دقيقة المقادير: فرخه مقطعه جزر مقطع بطاطس مقطعه لتتبيل الفراخ بصلة متوسطة طماطماية ثوم بودرة او فص ثوم زعتر - روزمارى - حبهان مطحون نص ليمونة كبيرة معلقة خل ملح وفلفل التحضير: بعد خلط مكونات التتبيله فى الكبه
وغسل الفرخه كويس جدا بالخل والملح
نتبل الفرخه بالخليط السابق تجهيزه
والمتبقى من خلطة التتبيله نتبل به الجزر والبطاطس ونضعهم بعلبه بلاستيك
تترك المكونات بالتتبيله من الليل لتانى يوم الصبح الطبخ: تانى يوم شغلت الفرن على درجة حرارة عالية وطلعت العلبة من الثلاجة
وجبت الصينية اللى هاحط فيها وجبت كيس الشوى
حطيت الخضار فى الكيس الأول وفردته بايدى ويا سلام على ريحة التتبيلة
وبعدين حطيت قطع الفراخ فوقه
قفلت الكيس كويس وقصيت بالمقص طرفين الكيس اللى على الجانبين حتة صغيرة
عشان يصفى الصوص اللى نازل من الفرخة وتتشوى ما تبقاش مسلوقة
ولعلمكم انا ماحطيتش ولا زيت ولا زبدة يعنى اكل صحى ومفيد وعشان اللى بيعمل ريجيم
دخلت الصينية الفرن على العالى وبعد 10 دقايق اخلى النار على درجة حرارة متوسطة
يعنى 180 درجة لمدة ساعة ونصف
وعشان تتاكدوا ان الفرخة استوت حطوا السكينة عند عظمة الفخد
هاتنزل صوص فاتح مش ملون يبقى كده استوت والبطاطس والجزر كمان ها يكونوا استوواملاحظات: ملحوظة صغنتوتة
الفرخة دى كيلو بتاخد ساعة ونصف
ان كنتم ها تجيبوا فرخة اكبر يا ريت تطولوا مدة السوى فى الفرن
استنوا شوية ما تفتحوش الكيس الا بعد شوية
عشان بيطلع بخار سخن جدااااااااا
وبعد كده افتحوا الكيس بسكينة
ويا سلام على ريحة الفراخ