الكمية تكفي: 4 أشخاصوقت التحضير: 10 دقائقوقت الطهي: 30 دقيقة المقادير: عدد 1 فرخه مقطعه 8 قطع علبة لبن رايب 5 اكواب دقيق مقدار توابل + خل مقدار ملح +فلفل مقدار بصل بودرة مقدار توم بودرة مقدار بردقوش+زنجبيل+لورو التحضير: اغسلى الفراخ كويس وحطى عليهم الرايب او الزبادى وغلفيهم ب استريتش او كيس لمده 4 ساعات على الاقل
بعدها صفيهم فى مصفاه واعملى بقى خلطه التوابل اللى قولتلك عليها ودوبيهم فى نص كوبايه ميه
وحطى فيهم الفراخ تانى 4 ساعات الطبخ: هتيجى بقى نعمل حاجه تخلى الفراخ مقرمشه وحلوة
اسمها تمبورة اة تمبورة هقولك عليها
كوبيتين دقيق مدوبين فى ماء لحد ما يبقوا عجينه سايله
وعليها شويه توابل من اللى قولتك عليها
وبعدها على طول انا بقول اهو على طول تحضرى
كوب دقيق وتحطى عليهم شويه ميه نونه يعنى معلقتين وتفركيهم بايديكى هيطلعلك دقيق قطع كده
اهو هو دة السر تحطيهم فى ورقه بيضاء
وتاخدىمن التمبورة وتحطيهم فى الدقيق المفروك حبه حبه
وتقلى بقى على نار هاديه اوى
علشان متتحرقش من برة وتبقى من جوة مش مستويه
لاء هدى النار اوووى طى القلايه او الطاسه
واستمتعى باحلى كنتاكى مع بطاطس محمرة وسلطه كلو سلو